Vetëm një muaj ka zgjatur aventura e Fabio Grossos në krye të Brescias, me ish-kampionin e Botës që si trajner i ekipit pati një bilanc shumë negativ, ku pësoi plot 10 gola dhe nuk shënoi asnjë, duke marrë tre humbje.
Zëvendësuesi i tij është pikërisht trajneri që i zuri vendin, Eugenio Corini. Sipas mediave italiane, gjithçka është e kryer tashmë, me Corinin që pritet të rimarrë drejtimin e ekipit. Tekniku italian ishte ai që e ndihmoi Brescian të ngjitej, ndërsa në 11 javët e para kishte grumbulluar shtatë pikë, ku pikërisht në atë kohë u shkarkua.
