Chelsea nuk është në një pozicion të mirë në Premier League, por në renditjen e shpenzimeve është sigurisht klubi i parë në botë. Në të vërtetë, në sesionin e janarit shpenzuan 326 milionë sterlina. Goditja e fundit e madhe ishte Enzo Fernandez, për të cilin Blutë shpenzuan 121 milionë, një rekord i të gjitha kohërave në Premier League.
Por duke shtuar ardhjet e Mudryk, Badiashile, Madueke, Malo Gusto, por edhe braziliani Andrey Santos dhe i Ivorianit Fofana, londinezët kanë shpenzuar më shumë se të katër kampionatet e tjera të mëdha europiane së bashku.
Më shumë. Blerjeve të merkatos së janarit i bashkohet edhe huazimi i Joao Felix-it, i cili në total do t’i kushtojë Chelseat rreth 20 milionë për disa muaj.
Por, sado e çuditshme të duket, problemi i klubit nuk janë paratë. Në fakt, listat e UEFA-s krijojnë shumë dhimbje koke, duke qenë se blutë janë kualifikuar në 1/8 e Champions League dhe tani duhet të punojnë fort për të balancuar listat që duhet t’i dërgohen federatës europiane.
Llogaritë, për më tepër, janë mjaft të thjeshta, siç janë edhe rregullat. Janë shtatë nënshkrime të reja dhe tre vende në dispozicion. Në të vërtetë, në teori zero, sepse në shtator Chelsea prezantoi një listë të plotë. Por për fazën eliminatore ekziston mundësia e zëvendësimit të tre lojtarëve. Dhe kjo tashmë mund të krijojë pakënaqësi.
I sakrifikuar mund të jetë Pulisic dhe ndoshta Ziyech, plus Jorginho që u shit te Arsenali. Ndaj, sqaron Sun, në listat e reja duhet të zgjidhen Enzo Fernandez, Mudryk dhe Joao Felix.
Po pesë të tjerët? Duke përjashtuar Malo Gusto, i cili u la i huazuar te Lyon deri në fund të sezonit, jashtë mbeten Badiashile, Madueke, Fofana dhe Andrey Santos, për të cilët priten edhe lejet e punës nga FA. Në teori, të gjithë ata (dhe Mudryk gjithashtu) kanë lindur pas 1 janarit 2001, kështu që do të ishte e mundur të vendoseshin në listën B.
Por ata që kanë ardhur të gjithë tani nuk e plotësojnë kërkesën tjetër, që është se ata kanë qenë në klub për të paktën dy sezone. Prandaj, rreth nëntëdhjetë milionë të shpenzuara mbeten jashtë Champions League. Absurde, por edhe Chelsea mund ta përballojë këtë…
