Sipas një lajmi te raportuar nga media austriake “Kronen Zeitung”, e pasqyruar edhe nga L’Équipe, mbrojtësi i RC Lens, Kevin Danso (26) mund t’i nënshtrohet një operacioni të vogël në zemër, pasi ai kërkon të bëjë kthimin e tij pas transferimit të deshtuar te Roma.

Lens kishte pritur të shiste Danso ne merkaton e verës, mes interesit veçanërisht nga skuadrat e Serie A. Më pas u arrit një marrëveshje me Romën, por në mënyrë të papritur u zbulua një problem kardiak. Në një deklaratë publike, austriaku deklaroi se ishte “i befasuar” dhe “i zhgënjyer” që kishte dështuar në testet mjekësore.

Që nga kthimi te Lens, nuk është marrë asnjë rrezik. Danso ka mbetur jashtë fushës ndërsa i nënshtrohet testeve mjekësore me një numër konsulentësh nga vende të ndryshme. Kronen Zeitung ka raportuar se, gjatë një konsultimi në Londër, është zbuluar rrënja e çështjes dhe është gjetur një zgjidhje.

Mediat austriake raportojne se qendërmbrojtësi i Lens mund të jetë gati t’i nënshtrohet një operacioni të vogël në mënyrë që të zvogëlojë plagët në zemër. Është paralajmëruar një rikthim që në tetor. Lens as nuk i ka konfirmuar dhe as mohuar raportet rreth mbrojtësit të tyre. Trajneri Will Still ka thënë më herët se Danso do të mungojë, të paktën deri në fund të shtatorit.