Frank Lampard dhe Steven Gerrard mund të përballen përsëri, këtë herë si trajnerë.

Ende pa u ftohur mirë plaga e shkarkimit nga Chelsea, ish-mesfushori i bluve mund të gjejë ekip, sipas The Sun.

Në fakt, Lampard është favoriti kryesor për të marrë vendin e Neil Lennon te Celtic Glasgow.

Një ide, tani për tani, por mund të bëhet diçka më shumë në javët e ardhshme. Lampard mund të kthehet menjëherë në lojë dhe të kapërcejë zhgënjimin e një përjashtimi shumë të dhimbshëm te Chelsea.

Në fakt, ai e quajti si zhgënjim të madh për mënyrën se si erdhi shkarkimi dhe madje do të kishte dashur të mbyllte sezonin në Premier League.