E dashura e Endrick ka folur për herë të parë kushtet e ‘kontratës së marrëdhënies’ me lojtarin.

Vetëm 17 vjeç, Endrick tashmë duket i gatshëm për hapin e madh në karrierë, pasi bëri debutimin e tij në Pameiras si 16-vjeçar, siguroi një lëvizje te Real Madrid dhe shënoi golin e tij të parë për Brazilin kundër Anglisë në Wembley në mars.

Ai ka bërë bujë edhe për lidhjen e tij me modelen 21-vjeçare Gabriely Miranda, pasi ka treguar në podcastin e ‘Pod Delas’ se ata kanë nënshkruar një ‘kontratë’ që përfshin disa klauzola të pazakonta.

Për shembull, është e detyrueshme që Endrick dhe Miranda t’i thonë njëri-tjetrit “Të dua” në të gjitha situatat, ndërkohë që atyre u ndalohet çdo formë varësie dhe ndryshime drastike në sjellje.

Endrick, në atë kohë, shpjegoi: “Kushdo që nuk e zbaton këtë, kur të vijë fundi i muajit, duhet t’i japë personit tjetër atë që dëshiron.

“Për shembull, unë kërkova një kufje Apple dhe ajo m’i dha”.

Dhe Miranda tani ka hedhur dritë mbi “klauzolat” e mëtejshme të përfshira në “kontratën” e tyre, të cilën ajo e ka përshkruar si një “marrëdhënie emocionale vullnetare” të bazuar në “respekt, mirëkuptim dhe dashuri”.

Kur u pyet nëse Endrick mund të luante GTA RP dhe të kishte një të dashur në lojë, qoftë edhe virtuale, ajo u përgjigj: “Kurrë! Kurrë. Nuk do ta pranoja kurrë!”.

GTA RP është një version i modifikuar i lojës Grand Theft Auto Online, i cili inkurajon lojtarët të luajnë role si në “jetën reale” dhe të tërheqin të dashura.

Pyetja iu drejtua Mirandës pasi doli se Endrick është një adhurues i “role-playing” në GTA, ku lojtarët veprojnë si personazhe në një server virtual.

Klauzola të tjera për jetën reale e lejojnë Endrick të dalë në klub me miqtë e tij pa të, me kusht që ajo të jetë dakord me shoqërinë që ai mban.

Ajo tha: “Kjo varet nga miqtë”.

Bërja e selfie-ve me fansat është gjithashtu e lejuar, megjithatë Endrick-ut i ndalohet të komentojë në Instagram fotot e femrave të tjera.