Ish-trajneri i Anglisë, Sven Goran Eriksson, i shkroi trajnerit aktual Gareth Southgate një mesazh, që është botuar sot, 24 orë nga finalja e Euro 2024 ndaj Spanjës, përmes të përditshmes britanike “Telegraph”.
“Puna e trajnerit të Anglisë sjell me vete shumë presion. Ju e dini se sa shumë shpresë keni për t’i dhënë fund gjithë këtyre viteve të dhimbjes. Unë e ndjeva vetë atë. Sir Bobby Robson e ndjeu atë”, tha Eriksson.
“Secili nga 13 trajnerët, që nga koha e Sir Alf, e kanë ndjëerë atë presion. Asnjë prej nesh nuk e ka arritur atë trofe, por askush nga ne nuk është afruar më shumë se Gareth Southgate në këto vite”, tha më tej trajneri suedez, që vuan nga një sëmundje e rëndë.
“Gareth mësoi nga gabimet që bëmë ne, veçanërisht në menaxhimin e anës psikologjike që shpesh sillnin penalltitë dhe shkoi më tej se çdokush prej nesh. Vazhdo, Gareth. Bëj atë që nuk kemi mundur ta bëjmë kurrë”, tha Eriksson.
