Emërimi i Vincent Kompany si trajner i ri i Bayern Munichut sigurisht që ka ngritur shumë dyshime në Bavari, Bundesliga dhe Kontinentin e Vjetër.

Ish-futbollisti anglez dhe komentatori sportiv Gary Lineker foli gjithashtu për vendimin e klubit gjerman për të punësuar një trajner si belgu 38-vjeçar, “padyshim një rrezik sepse ai nuk ka vërtet përvojë”, tha ai për Sport BILD.

Sipas ish-lojtarit të Barcelona-s, ish-mbrojtësi i Manchester City-t në rolin e trajnerit “nuk ka arritur ende në fund të zhvillimit të tij” duke qenë se ai ishte vetëm “trajner në Belgjikë dhe më pas te Burnley”.

Ndaj, sipas Lineker-it, përveç se ka bërë një zgjedhje të rrezikshme, klubi bavarez do të ketë vështirësi të ndryshme, duke deklaruar se në figurën e Kompany-t “nuk do të gjeni Pep Guardiola-n”.

“Sezoni i parë i Kompany te Burnley ishte fantastik, me futboll të bukur. Pas ngjitjes në Premier gjithçka u bë shumë më e vështirë, Burnley investoi para në lojtarë, edhe pse pa shumë sukses”.