Shqipëria dhe Kosova kanë njohur kundërshtarët e tyre për fazën kualifikuese të Kampionatit Europian 2024 që do të zhvillohet në Gjermani, pas shortit të hedhur në Frankfurt.
Në këto eliminatore do të marrin pjesë 53 skuadra, ndërsa Gjermania është e kualifikuar automatikisht si organizatore e Europianit dhe nuk ka marrë pjesë në short ashtu si Rusia, që mbetet e përjashtuar nga kompeticionet ndërkombëtare.
Shorti ka qenë i favorshëm për Shqipërinë dhe Kosovën dhe, të paktën në letër, ëndrra për të marrë pjesë në Euro 2024 duket më shumë se e realizueshme.
Shqipëria është përzgjedhur në Grupin E bashkë me Poloninë, Republikën e Çekisisë, Ishujt Faroe dhe Moldavinë.
Kosova është përzgjedhur në Gurpin I me Zvicrën, Izraelin, Rumaninë, Bjellorusinë dhe Andorrën.
Shorti i plotë
GRUPI A – Spanjë, Skoci, Norvegji, Gjeorgji, Qipro
GRUPI B – Holandë, Francë, Irlandë, Greqi, Gjibraltar
GRUPI C – Itali, Angli, Ukrainë, Maqedoni e Veriut, Maltë
GRUPI D – Kroaci, Uells, Armenia, Turqi, Letoni
GRUPI E – Poloni, Republika Ceke, Shqipëri, Ishujt Faroe, Moldavia
GRUPI F – Belgjikë, Austri, Suedi, Azerbajxhan, Estoni
GRUPI G – Hungari, Serbi, Mali i Zi, Bullgari, Lituani
GRUPI H – Danimarkë, Finlandë, Slloveni, Kazakistan, Irlandë e Veriut
GRUPI I – Zvicër, Izrael, Rumani, Kosovë, Bjellorusi, Andorra
GRUPI J – Portugali, Bosnjë Hercegovinë, Islandë, Luksemburg, Sllovaki