Kukësi largohet nga skena e Europës dhe nuk arrin të bëjë dot mrekullinë përballë një Wolfsburg që është tjetër nivel, duke parë se lufton për Europën dhe vendet e para në Bundesliga.
Gjermanët shënuan 4 gola sonte në “Air Albania Stadium” me Weghorst protagonist me dopietë. Gjithçka nisi në minutën e 21-të, kur erdhi edhe goli i parë. Më pas, Lecroix dyfishoi pas 12 minutash.
Edhe pse u goditën dy herë, verilindorët kishin mundësinë të shkurtonin shifrat, dy minuta më pas. Rroca tregohet i pasaktë nga pika e bardhë e penalltisë dhe portieri Casteels e ndal tentativën e mesfushorit.
Ëolfsburg menaxhoi dhe në pjesën e dytë shënoi edhe dy herë të tjera me Weghorst dhe shqiptarin Mehmedi.