Nga lamtumira e Lukaku-t e deri te ardhja…. e kujtdo. Goditja e fundit e bujshme ka qenë ajo e lidhur me Enzo Fernandez. 121 milionë euro, pavarësisht krizës. Megjithatë, kujdes për precedentët. Tifozët e Chelsea-t janë të lirë të thërrasin çdo formë besëtytnie.

Argjentinasi do të duhet të përballet me një mallkim. Zgjedhjet e Blues kohët e fundit nuk kanë qenë të goditura. Të gjitha blerjet me emra të mëdhenj pothuajse gjithmonë kanë rezultuar… gabime të mëdha.

Ka një emërues më të ulët të përbashkët që bashkon lojtarët më të shtrenjtë dhe më “mediatikë” të epokës Abramnovich. Ata janë edhe ata që kanë bërë më pak.

Te Chelsea, historia e kohëve të fundit, duket se kanë një prirje të caktuar për… dështime në merkato. Për të rrëmbyer ish-interistin dhe për ta sjellë në Londër, Abramovich duhej (përsëri) të hapte portofolin dhe pagoi 115 milionë euro, duke thyer rekordin që i përkiste Havertz-it dhe Kepa-s, të dy të paguar nga 80 milionë euro.

Për ta parë atë të rikthyer te zikaltrit në formë huazimi. Duke pasur parasysh se si shkoi me belgun dhe spanjollin, ndoshta ishin para që londinezët mund të kursenin.

Duket e pabesueshme, por të gjithë lojtarët që kanë marrë titullin e blerjes së rekordit në epokën e Abramovich janë të lidhur nga ky mallkim.

Para së gjithash, ishte Shevchenko, nënshkrimi i parë i madh i Chelsea-t të ri në vitin 2006. 44 milionë për Milan-in dhe paraqitjet padyshim nën mesataren për ukrainasin, i cili rikthehet në Milano.

Ka shkuar edhe më keq për ata që i kanë thyer rekordin: Fernando Torres te Liverpool ka qenë një garanci para portës, por kur blutë shpenzojnë 60 milionë për ta marrë në Stamford Bridge, El Niño humbet rrugën drejt golit dhe praktikisht nuk e gjen më. .

Nëse duhet një konfirmim tjetër, ja Morata për një sezon e gjysmë dhe shumë pak kënaqësi. Werner është kthyer në një nga më të kritikuarit e tifozëve që, pas fitores së Champions League, për ta bërë skuadrën më konkurruese, kanë kërkuar transferimin e tij.