Pas karrierës së tij të gjatë në futboll, Luis Figo nuk ka humbur asnjë pikë cilësie për të “dribluar” situata të sikletshme. Portugezi është karakterizuar nga impulsiviteti i tij kur vjen puna për t’iu përgjigjur situatave që nuk i pëlqejnë. Të marten e 5 marsit, ai e ka treguar edhe një herë këtë lloj klasi. “Correio da Manhã” publikoi një raport mbi dasmën e ish-lojtarit portugez.
Hoje o jornal do peido publica uma notícia interessante referindo-se ao meu casamento há mais de 20 anos. Só demonstra o tipo de informação e de jornalistas que fazem parte de este meio. @cmjornal 💩💩 pic.twitter.com/WcbPzJg7PS
— Luís Figo (@LuisFigo) March 4, 2024
Në titull, kjo media theksonte se “20 vite më vonë është zbuluar mashtrimi në dasmën e Luis Figos”. Në shkrim theksohet se “personi i sigurisë, i dënuar për vjedhjen e një filmi me imazhe nga një festë e vitit 2001 në Albufeira, dha një identitet të rremë me të cilin u dënua”. Media e sipërpërmendur portugeze e shet këtë lajm si ekskluziv, por Luis Figo nuk duket se është shumë i shqetësuar.
Portugezi ka përdorur llogarinë e tij personale X, dikur Twitter, për t’iu përgjigjur gazetës, madje duke publikuar faqen e plotë në mënyrë që të gjithë ndjekësit ta lexojnë artikullin. Figo ka shkruar si vijon për t’iu referuar këtij lajmi:
“Sot kjo gazetë mu*i publikon një lajm interesant në lidhje me martesën time, të mbajtur më shumë se 20 vite më parë. Thjesht demonstron llojin e informacionit dhe gazetarëve që janë pjesë e këtij mediumi”. Të gjitha këto fjalë i ka shoqëruar me dy “emoji” mu*i.
Ish-futbollisti portugez i përdor rrjetet e tij sociale si denoncim për të gjitha informacionet që nuk i pëlqejnë. Vetëm 15 ditë më parë, ai publikoi këtë si përgjigje ndaj një rubrike të një gazetari të “El País”: “Mendoj se ajo që ju shqetëson më shumë është se ai është i lirë, i pasur dhe një nga sportistët më të mirë të të gjitha kohërave. Ai nuk ka nevojë për klikime për të jetuar”, duke iu referuar Rafa Nadal.