Derrick Nnadi, fitues i Superbowl dy ditë më parë me fanellën e Kansas City Chiefs, ka festuar në mënyrë të veçantë këtë triumf. Ai ka vendosur të mos harxhojë parà në diskoteka, udhëtime apo darka të shtrenjta, por të paguajë taksën e adoptimit të më shumë se 100 qenve në Kansas, duke qenë pjesë e projektit të “Kansas City Pet Project”.

Tani, të gjithë ata që duan të adoptojnë një qenush mund ta kryejnë këtë gjë më lehtësisht, pasi taksa është e paguar.

“Gjatë gjithë jetës time e kam dashur një qen. Kur isha fëmijë, jam rritur pa e patur një kafshë shtëpiake, pasi prindërit nuk më lejonin ta mbaja. Më pas mora Rocky, kur isha në kolegj dhe këtu lindi dëshira për të paguar taksën e adoptimit për çdo fitore që arrija. Ndërsa tani, pas këtij triumfi të madh vendosa ta paguaj taksën për 100 qenushëve, që shpresoj të gjejnë një familje”, tha Derrick Nnadi.