Barcelona raportohet se po konsideron mundësinë për të shitur sulmuesin anësor Ansu Fati gjatë merkatos së janarit. Ai nuk ka më vend te Barcelona, pavarësisht potencialit të tij.
Klubi është i hapur ndaj ofertave, sepse një rregull e La Ligës e lejon të bëjë lëshime për faktin që Ansu Fati ka pasur vetëm 28 minuta në fushë këtë sezon.
Trajneri Hansi Flick besoi shumë te ky lojtar gjatë verës, duke i dhënë shansin për të treguar veten pas atij viti me dëmtim të tejzgjatur.
Në merkaton e verës, thuajse asnjë klub nuk u interesua për spanjollin, por gjërat mund të ndryshojnë në janar, sepse Flick e ka ndjekur me vëmendje dhe nuk e ka më në listën e të preferuarve.