Trajneri i Milanit, Paulo Fonseca, foli nga salla e shtypit e stadiumit “Bentegodi” për të komentuar fitoren e arritur në fushën e Hellas Verona, me një gol të Tijjani Reijnders në pjesën e dytë.
Një Krishtlindje e qetë?
Po, jam i kënaqur, ishte e rëndësishme të fitonim dhe mendoj se e kemi merituar.
Si është gjendja e të dëmtuarve?
Kam folur me Leaon dhe më tha se nuk duket të jetë diçka serioze, shpresoj të jetë në dispozicion për Romën. Për Pulisic do të shohim, por jam optimist.
Mbi qëndrueshmërinë mbrojtëse?
Po, mendoj se e kemi gjetur stabilitetin, ishte e rëndësishme ta gjenim. Tani duhet të përmirësohemi në zotërimin ofensiv. Kishim 76% të zotërimit të topit, por bëmë shumë gabime në vendimet e fundit.
Po luan Jimenez…
Ai është titullar në këtë moment, ka luajtur dy ndeshjet e fundit, ka punuar shumë dhe e meriton. Na duhen lojtarë të tillë.
A po bëhet teknike dilema mes Jimenez dhe Theo Hernandez?
Në dy ndeshjet e fundit, Jimenez ka hyrë dhe ka luajtur mirë. Duhet të vazhdojë kështu. Sonte luajti edhe si lojtar krahu.
Cardinale do të qëndrojë te Milani, një ide stabiliteti për klubin?
Që nga dita e parë kam pasur gjithmonë mbështetjen e klubit. Pastaj, unë isha i përqendruar te ndeshja, ndaj e kam pak të vështirë t’i komentoj këto gjëra. Mund të them se kam ndjerë gjithmonë mbështetje të madhe nga klubi.
