Sulmuesi i Francës, Ousmane Dembele, u shpall lojtari i ndeshjes pas paraqitjes së tij të shkëlqyer në çerekfinalen e Euro 2024 kundër Portugalisë të premten në mbrëmje.
Ylli i Paris Saint-Germain festoi çmimin me shokët e tij të skuadrës pasi Les Bleus eliminoi kampionët e Euro 2016 me penallti (5-3) në Hamburg.
Franca, favoritët para turneut, ka pasur vështirësi përpara portës gjatë gjithë turneut, duke shënuar vetëm tri herë në pesë ndeshje.
Nga tre golat, njëri erdhi nga pika e bardhë, dy të tjerët autogola.
Kundër Portugalisë, vështirësitë e tyre në sulm u dukën akoma më shumë, me të dyja skuadrat që nuk arritën ta zhbllokonin ndeshjen në 120 minuta.
Ousmane Dembele, i cili mori vendin e Antoine Griezmann në minutën e 67-të, ishte padyshim lojtari më i mirë i takimit. Pasi u emërua Man of the Match, shokët e tij festuan me të me një kërcim të veçantë.
Aktivizimi i Dembeles gjallëroi sulmin e ekipit francez dhe ai tregoi cilësinë e tij në pjesën e mbetur të ndeshjes.
Ish-lojtari i Barcelona-s hapi lotarinë e penalltive me sukses për Francën, me kapitenin Kylian Mbappe në stol.
Dembele përfundoi gjashtë nga tetë driblime dhe i hapi shumë punë Portugalisë.
they are so happy for Dembouz 😭😹❤️ pic.twitter.com/1r2bt9H0kU
— 〽️ (@kyks_98) July 5, 2024
