Pas fitores 6-0 ndaj Southampton-it, Chelsea tashmë i është rikthyer klimës së Champions League. Blutë do të thirren për të kërkuar suksesin në fushen e Real Madrid pas ndeshjes së parë të vendosur nga Karim Benzema 1-3. Megjithatë, gjatë ndeshjes së parë në Stamford Bridge, një tjetër episod e ndërlikoi mbrëmjen e Chelseat: gabimi i Romelu Lukakut.
Sulmuesi belg, i vetëm në zonën e rreptësisë, pas një krosimi nga e majta nuk mundi ta dërgonte topin në rrjetë nga dy hapa dhe pa kundërshtarë. Një gabim i bujshëm, megjithatë, duke pasur parasysh rëndësinë e lojës dhe shumën e shpenzuar nga Chelsea pikërisht për të siguruar një sulmues të pagabueshëm.
97 milionë paund (115 milionë euro) të shpenzuara për ta blerë nga Interi, megjithatë nuk duket se kanë qenë një investim i shkëlqyer për klubin londinez deri më sot. Lukaku pas atij gabimi u sulmua nga shtypi dhe nga tifozët anglezë blu, duke u projektuar tashmë për ndeshjen e kthimit. Megjithatë është për të ardhur keq që Tuchel ka vendosur të mos e thërrasë!
Në sfidën më të rëndësishme të sezonit të Chelseat, e cila në rast fitoreje mund të fshijë edhe problemet e mëdha që po kalon klubi i Abramovich pas luftës në Rusi, nuk do të jetë i pranishëm sulmuesi më i paguar në seancën e fundit të merkatos. Lukaku kishte munguar tashmë ndaj Southampton në ndeshjen e fundit në Premier të fituar nga Blutë me rezultatin 6-0.
Në bazë të mungesës do të kishte një dëmtim të belgut që nuk do ta lejonte të dilte në fushë. E nëse në Angli mendohej se Lukaku mund të ishte sakrifikuar pikërisht për ndeshjen ndaj Real Madridit, Tuchel i befasoi të gjithë në konferencën për shtyp në prag të ndeshjes.
“Callum Hudson-Odoi është ende jashtë si dhe Ben Chilwell i cili padyshim do të jetë jashtë për një kohë të gjatë – tha Tuchel i cili më vonë shtoi – Romelu nuk do të jetë larg për shkak të dhimbjes së tendinit të Akilit që ndjeu kohët e fundit”. Lukaku ka qenë në fushë 36 herë këtë sezon, duke shënuar vetëm 12 gola plus 2 asistime. Janë 5 gola në Premier League, shumë pak në krahasim me ata të shënuar deri në vitin e kaluar me fanellën e Interit.
Megjithatë, duhet thënë se marrëdhëniet mes Tuchel dhe Lukakut nuk kanë qenë kurrë idilike. Intervista e lëshuar për Sky Italia dhjetorin e kaluar ka shembur përfundimisht çdo lloj besimi mes palëve, përfshirë klubin.
Nga kjo situatë e krijuar, 28 vjeçari po bën të gjitha lëvizjet për t’u larguar nga Londra në fund të sezonit dhe destinacioni i tij i preferuar është padyshim Inter-i, megjithatë së fundi ka dalë në skenë një tjetër opsion interesant. Bëhet fjalë për skuadrën e Paris Saint Germain, që primar kanë rinovimin me Mbappe-n, por nëse nuk ia dalin, ata janë gati të hidhen në sulm për ta transferuar Lukaku-n në “Parc Des Princes”.
Sipas prestigjiozes angleze, “The Sun”, drejtori teknik i PSG-së, Leonardo, ka nisur negociatat me drejtuesit e Chelsea-t, duke propozuar formulën e huazimit me të drejtë blerjeje. Megjithatë fillimisht londinezët duhet të zgjidhin çështjet me shtetin anglez, që ka sekuestruar aksionet dhe ka bllokuar çdo veprim si masë ndaj pronarit të tyre rus, Roman Abramovich.
