Boksierët Oleksandr Usyk dhe Tyson Fury mund të përballen në një duel që do trë unifikonte titujt kampionë bote të peshave të rënda para fundit të të këtij viti ose në vitin 2024. Këtë gjë e konfirmoi promotori i njohur i boksit Bob Arum, njëkohësisht menaxheri i Tyson Fury.
Arum, kreu i Top Rank, po promovon luftën e ardhshme të kampionit WBC, Fury kundër ish-kampionit të peshave të rënda të UFC, Francis Ngannou. Kjo përballje do të zhvillohet në Arabinë Saudite, më 28 tetor. Promotori 91-vjeçar i boksit beson se do të jetë shumë e thjeshtë që Fury të përballet me ukrainasin Usyk (IBF, WBA, WBO).
Për “Sky Sports”, Arum tha: “Nuk do të jetë e vështirë të bëhet. Unë i njoh njerëzit Usyk, ata janë njerëz të mirë. Menaxheri i tij, të gjithë ata,ata janë njerëz të mrekullueshëm. Vetë Usyk është një djalë i mrekullueshëm. Unë mendoj se ai e dëshiron atë sfidë. Mendoj se dueli do të realizohet dhe shpresoj se do të ndodhë më shpejt se sa më vonë”.
Kur iu kërkua të flasë për një datë, Arum u përgjigj: “Ndoshta në fillim të vitit të ardhshëm, por mund të ndodhë që në dhjetor. Do të doja ta shihja Fury të luftonte me Usyk. Mendoj se sapo të ndeshet me Usyk, dhe duke supozuar se mundet Usyk, atëherë mendoj se ai do të bëjë një xhiro fitoreje. Ndoshta edhe dy duele të tjera dhe do t’i lërë djemtë më të rinj të marrin përsipër”.
