Rino Gattuso, trajneri i Napolit, u intervistua nga Sky Sport në post-ndeshjen e San Paolo-s, ku ekipi I tij barazoi ndaj Milanit, që për teknikun do të thotë… gjithçka!
“Më duhet të zemërohem … Kemi krijuar 7 raste për gol, por duhet ta shtyjmë në rrjetë. Emocioni ishte aq i jashtëzakonshëm sa nuk di të them… Ishte hera e parë që takova si kundërshtar ekipin që më bëri të bëhesha burrë dhe një lojtar i rëndësishëm”.
— 👍SS (@semo33x) July 12, 2020
Mbi gabimet: “Ne lehtësisht arrijmë në 18/20 metra e fundit, krijojmë dhe akoma bëjmë shumë gabime, duhet të përmirësohemi. Problemi i vetëm është se shumë herë nuk arrijmë të shënojmë lehtë, kjo na ka prekur kohët e fundit”.
“Milani nuk krijoi shumë raste për gol dhe ta mbaje larg zonës nuk ishte aq e lehtë sa mendohej, pasi I kemi parë në ndeshjet e fundit. E megjithatë, na shënuan dy gola”.
“Ju më quajtët trajner katenaçio (mbrojtje totale). Ne po përpiqemi të bëjmë diçka ndryshe, nuk jemi akoma të përsosur. Ekipi po përmirësohet në presion”.
Mbi penalltitë për prekje me dorë: “Të luash futboll duart duhet të jenë të rëndësishme, nuk mund të mendoj se një lojtar duhet të luajë me duar pas shpinës, është një sport tjetër. Numrat e thonë atë. Ne duhet ta rishikojmë këtë rregull, është e pamundur të mbash duart pas. Është folur për dy vjet, por asgjë nuk ka ndryshuar ende. “