Steven Gerrard është një legjendë e Premier League, Liverpool dhe Tre Luanëve. Ish-mesfushori ishte një nga lojtarët më të fortë të epokës së tij dhe u rezistoi sulmeve nga klube si Real Madrid apo Chelsea, të cilët do të kishin bërë gjëra të çmendura për ta rrëmbyer nga Reds ka qenë gjithmonë me Liverpool-in.
“Nuk jam penduar kurrë për atë vendim. Nëse do të mund të kthehesha pas në kohë, do të bëja të njëjtën gjë,” pranoi ai në një intervistë për MBC Masr 2. Gerrard ngriti 11 trofe në 17 vjet në Liverpool, duke përfshirë Ligën e Kampionëve të vitit 2005.
Tani, si trajner i Al-Ettifaq, ai ëndërron të jetë në gjendje të sjellë Lionel Messin në Arabinë Saudite. “Për mua do të ishte një ëndërr të kisha Messin në Al-Ettifaq. Ai është një lojtar i jashtëzakonshëm dhe do të ishte një pasuri e madhe për klubin. E di që do të jetë e vështirë ta shohësh atë në Arabinë Saudite, por nuk ka asgjë të keqe të ëndërrosh”.
Së fundi, Gerrard-it iu kërkua të zgjidhte mes argjentinasit dhe portugezit Cristiano Ronaldo: “Si Cristiano dhe Messi janë lojtarë të jashtëzakonshëm, me histori të pabesueshme në futboll. Ronaldo është një golashënues i madh, ndërsa Messi është një lojtar më i kompletuar skuadre. Por në të vërtetë nuk mund të zgjedh mes tyre, ata janë të dy legjenda”.
