Ylli i Napolit, Khvicha Kvaratskhelia shpreson të flasë me Cristiano Ronaldon mbrëmjen e së mërkurës.

Gjeorgjia përballet me Portugalinë e Ronaldos në ndeshjen e fundit të grupit të Euro 2024.

Kvaratskhelia pranon se ylli i Al Nassr, Ronaldo është idhulli i tij dhe ai tha për Goal: “Cristiano Ronaldo ishte idhulli im.

“Jam i lumtur që do e takoj në fushë. Kam ëndërruar ta takoj personalisht. Le të shohim se çfarë do të ndodhë”.

Ndërkohë, është zbuluar se drejtori sportiv i Napolit, Giovanni Manna është në Gjermani këtë javë për bisedime me Kvaratskhelia.

Menaxheri i lojtarit dhe babai i futbollistit deklaruan javën e kaluar se ai kishte në plan të largohej nga Napoli pas Europianit.