Do të jetë koha e Rafael Leaos sot, kundër Real Madridit. Dhe nuk mund të ndodhte ndryshe, sepse cilësitë teknike të portugezit, sidomos në duelet një kundër një, janë dhe do të jenë të domosdoshme në sezonin e Milanit. Lëre më pastaj kundër një ekipi galaktik si ai i Carlo Ancelottit. Sidoqoftë, nuk mund të harrohet fakti se portugezi i lindur në vitin 1999, në tri ndeshjet e fundit të Serie A, është lënë gjithmonë jashtë formacionit startues kuqezi.

Tetori ishte i vështirë për Leao, në pankinë kundër Udinese, as gjysmë ore lojë kundër Napolit dhe Monza në kampionat, por e pa atë të dilte në fushë që në fillim (por u zëvendësua në minutën e 60-të) kundër Club Bruges në Champions. Pra, pyetja e shumë njerëzve është kjo: a do të largohet Leao? A do ta bëjë këtë në janar? Në verë?

Roli i Jorge Mendes – Agjenti i njohur portugez nuk ka më një lidhje të drejtpërdrejtë me Leaon. Ai nuk është më agjent i sulmuesit kuqezi, nuk e menaxhon. Deri në mars të vitit 2025, zërat që vijnë nga mjedisi i Milanit thonë se Mendes do të propozojë zgjidhje merkatoje për bashkatdhetarin, kampion të skuadrës së Paulo Fonseca.

A nënkupton kjo mandatin për ta shitur? Quajeni si të doni, por merkatoja e ardhme do të jetë një nga sesionet e fundit që Mendes do të ketë një rol në kapitullin “Leao”. Barcelona po përpiqet ta marrë lojtarin në fjalë, por nuk do të shkojnë përtej 60 milionë eurove, duke shtuar dy lojtarë në negociata.

Nga ana tjetër, Milani nuk do ta shiste portugezin nën 120-130 milionë euro. Për më tepër, me Yamal, Raphinha dhe Lewandowski në skuadër, Flick bën të ditur se nuk ka nevojë për lojtarin e Milanit.

Vullneti i palëve – Vullneti i protagonistëve të përfshirë do të ketë rëndësi të qartë. Milani, edhe duke marrë parasysh se sa ka shpenzuar shumë për portugezin, mes rinovimit dhe çështjeve personale Lille-Sporting CP, nuk dëshiron ta shesë atë nën shifrat e treguara më sipër. Mbetet të shihet nëse trendi për trajnerin Fonseca do të ndryshojë, pas ndeshjes ndaj Real Madridit.

E kemi thënë tashmë gjatë: nëse pankina ‘motivon’ dhe bën një lojtar të reagojë, të tjerët rrezikojnë të ndikohen negativisht. Dhe ky është rasti i Leaos, i cili, pavarësisht gjithçkaje, vendosi ta mbajë kokën ulur, të mendojë për fushën, për stërvitjen, pa ngritur zërin apo tonin (asnjëherë nuk e bëri në rrjetet sociale, edhe pse është shumë aktiv aty).

Kjo ndodh edhe për shkak se ai u “martua” me Milanin me bindje, ndaj as Leao dhe as klubi nuk do të donin absolutisht ta përfundonin lidhjen në janar. Gjithashtu sepse, duke qëndruar jashtë formacionit startues, ofertat e ardhura nuk kanë gjasa të jenë në rritje…