“Të jem i sinqertë, më duken si të çmendura spekulimet e vazhdueshme jo vetëm për emrin tim, por edhe për emrat e shokëve të skuadrës”.

Fjalë të Serge Gnabry, ylli i Bayern Munichut që po merret me përgatitjen e tij verore nën drejtimin e trajnerit të ri Vincent Kompany.

Në intervistën e dhënë për Süddeutsche Zeitung, ish-lojtari i Arsenalit dhe Hoffenheim foli edhe për nënshkrimin e ri në repartin e tij, që mund t’i heq hapësirën dhe shanset në fushë.

Konkurrenca është normale. Ky është Michael Olise, një 22-vjeçar i mrekullueshëm që vjen nga Premier League dhe Crystal Palace:

“Unë kam luajtur futboll profesionist për më shumë se dhjetë vjet, e di se si është”, tha Gnabry. “Çdo vit vijnë lojtarë të rinj, kështu është. Të gjithë e dimë se çfarë të bëjmë në këto raste: nuk duhet të shqetësoheni shumë dhe të përqendroheni te vetja”.

Gjithsesi, gjithçka është nën kontroll për trajnerin që zëvendësoi Thomas Tuchel. Në fakt, Kompany po përpiqet të krijojë një lidhje me lojtarët e tij para fillimit të sezonit dhe Gnabry nënvizoi se ka pasur një “përshtypje të shkëlqyer” për trajnerin e ri deri më tani:

“Ne patëm një bisedë të qetë dhe të ftohtë që në fillim. Më pëlqejnë bisedat e tij në dhomat e zhveshjes, më pëlqejnë stërvitjet,” shtoi ai.