Ajo që kishte qenë një thashethem në fillim të tregut të transferimeve, po kthehet për të qarkulluar me forcë dhe gjithashtu mund të shndërrohet në diçka më shumë: Mandzukic te Milan, një goditje që mund të rezultojë thelbësore për luftën e kampionatit.

Futbollisti kroat, i lirë aktualisht pas përfundimit të aventurës së tij te Al Duhail, po kërkon një klub me të cilin të vazhdojë karrierën e tij dhe, pse jo, të shtojë edhe disa tituj në vitrinën shumë të pasur.

Dje dhe sot Milani u takua me agjentin e tij dhe tashmë është në dorën e Paolo Maldinit për ta mbyllur ose jo marrëveshjen për gjashtë muaj.

Ndërkohë, afron goditja Meite nga Torino. Nesër mund të mbyllet. Ka edhe diçka në frontin e mbrojtjes, aty ku Simakan largohet dhe afrohet Tomori i Chelsea në huazim.