Në një intervistë të publikuar për kanalet zyrtare të Federatës Franceze të Futbollit, sulmuesi Antoine Griezmann ka folur përpara gjysmëfinales së Euro 2024 me Spanjën. “Askush nuk na tremb”, u shpreh sulmuesi i Atletico Madrid.
“Duhet të kemi besim te vetja dhe të japim gjithçka në fushë për të shkuar në finale. Ka mbetur vetëm një ndeshje për të shkuar te finalja. Fitimi i ndeshjes është gjithmonë i bukur, ne duhet të përfitojmë nga mundësia për të qenë në top katërshen”, tha Griezmann.
Duke folur për rivalët, ai tha: “Spanja është një skuadër e madhe që po bën shumë mirë. Nico Ëilliams dhe Lamine Yamal arrijnë të bëjnë diferencën sa herë që prekin topin. Ne do të duhet të jemi të mirë në kundërpërgjigje ndaj tyre“.
