Hënes zbulon planin, Sane te Bayern

31 Maj 2020
16:13
Telesport

Bayern Munich po mendon seriozisht për të transferuar Leroy Sane në “Sabener Strasse”. Një lajm të tillë e ka nxjerrë dje krejt rastësisht presidenti honorifik i kampionëve të Gjermanisë, Uli Hoeness. Kështu, sipas tij, Sane mund të rikthehet në Bundesliga, për të veshur fanellën e Bayern-it.

Madje, Hoeness sqaron se ardhja e tij mund të shënojë një epokë të re te klubi gjerman. “Me Joshua Kimmich, Niklas Sule dhe me shumë mundësi, David Alaba, Thiago dhe Sane ne do të kemi një skuadër të re dhe shumë energjike. Unë tashmë arrij ta imagjinoj se, nëse gjithçka shkon mirë, një epokë e re po nis te Bayern Munich”.

Një sinjal i qartë që bavarezët nuk kanë hequr dorë për asnjë moment për lojtarin e City-t. Madje, gjermanët donin ta merrnin që verën e shkuar, por, fatkeqësisht dëmtimi i tij pak përpara mbylljes së merkatos së verës pengoi transferimin.

Lajme të tjera

Lajmet e fundit