Manchester United dhe Real Madrid janë dy klubet që e shohin nga afër mesfushorin spanjoll Dani Olmo, i cil luan me Leipzig në Gjermani. Lajmin e konfirmoi sot e përditshmja britanike “Daily Mail”, që shton se këtë verë 25-vjeçari mund të ndryshojë fanellë.
Mesfushori ka një kontratë deri në vitin 2027 me ekipin e Leipzig, por gjiashtu ka një klauzolë që aktivizohet këtë verë. Ai mund të largohet nga ekipi gjerman nëse vjen një ofertë që kap shifrën e 50 milionë eurove.
Dani Olmi luan prej 5 sezonesh në Gjermani dhe në 142 ndeshje zyrtare me Leipzig ka shënuar 28 gola. Ai luan edhe me kombëtaren spanjolle, duke shënuar edhe në miqësoren e fundit ndaj Brazilit.
Një lojtar që pëlqehet shumë për karakteristikat e tij, ndaj dhe “djajtë e kuq” dhe “los blancos” po e monitorojnë nga afër. Anglezët duken disi më favoritë, duke qenë se do të kryejnë një revolucion këtë sezon, ndërsa te madrilenët nuk do të gjente shumë hapësira.