“Nuk mund ta besoja që njeriu që kishte qenë pranë meje për 20 vite, gjysma e jetës sime, kishte bërë diçka të tillë”. E përlotur, me këto fjalë, Ilary Blasi tregon ekskluzivisht për Netflix, në dokumentarin “Unica”, të vërtetën e saj për fundin e martesës me Francesco Totti.

Netflix publikon trailerin, ku mund ta shihni Ilary duke qarë, teksa tregon se çfarë ndodhi kur ajo filloi të kuptonte, në fund të janarit 2022, se gjërat po shkonin keq: “Burri im ishte ndryshe. Nga aty nisi një fatkeqësi, mund ta shihnin edhe nëna, motrat dhe një mik i tij.

Meqë ra fjala, është gruaja e kushëririt të Tottit. Ilary shton: “Unë u martova me të për dashuri, jo për para. Dhe këtë e kam treguar gjithmonë, me fytyrën time. Kur e takova isha 19 vjeçe, ai ishte tashmë Francesco Totti. Nuk dija nëse duhej t’iu besoja gazetarëve apo bashkëshortit tim, por nuk mund ta besoja se do të ma bënte diçka të tillë”.

Pas shumë shkrimeve, deklaratave, mohimeve dhe deklaratave në gazeta, Ilary Blasi tregon për herë të parë historinë e fundit të dashurisë dhe martesës me Totti. “Një portret krejtësisht i ri, intim dhe i sinqertë, i pasuruar nga dëshmitë e njerëzve që kanë qenë gjithmonë pranë saj”, – sqaron Netflix.

Ky dokumentar është shkruar nga Peppi Nocera dhe Romina Ronchi, drejtohet nga Tommaso Deboni. Ai do të jetë në kinema nga 24 nëntori.