Kanë mbetur edhe 9 ndeshje në përfundim të Serisë A, me Inter-in që udhëton i sigurt drejt titullit.

Fitorja e kampionatit të njëzetë është një hap larg dhe, tashmë, vetëm matematika ka mbetur në rrugë mes zikaltërve dhe festimeve. Një objektiv që mund të arrihet së shpejti në rast të një vargu rezultatesh pozitive.

Milani është i dyti në renditje dhe do të përpiqet të shtyjë sa më gjatë festën e kushërinjve të Interit. Në horizont, deri i 22 prillit të ardhshëm, që mund të vendosë shumë përpara fatin e këtij kampionati.

Lojtarët kuqezi, tani të sigurt për një vend në Champions League, nuk kanë shumë për të kërkuar nga kjo Serie A dhe do të përqendrojnë të gjithë energjinë e tyre mes Europa League dhe derbit të muajit të ardhshëm.

Përveç fitimit të kampionatit, skuadra e Simone Inzaghit synon një rekord që asnjë klub nuk ka arritur ta realizojë në historinë e Serisë A.

Një objektiv që as skuadrat më të pamposhtura të kampionatit italian nuk e kanë arritur në mbi 100 vjet histori. Në fakt, asnjë ekip nuk e ka fituar ndonjëherë Serinë A me më shumë se 5 ndeshje para fundit të sezonit.

Objektivi i titullit 6 ndeshje para fundit është ende brenda mundësive të Interit të Simone Inzaghit. Si mund t’ia dalë? Para së gjithash, ata do të duhet të fitojnë ndeshjet kundër Empolit, Udineses dhe Cagliarit, një arritje jo shumë e vështirë duke pasur parasysh nivelin e kundërshtarit.

Në atë moment fati do të kalojë në duart e Milanit. Nëse kuqezinjtë do të merrnin 5 pikë në tri ndeshjet e ardhshme kundër Fiorentinas, Lecces dhe Sassuolos, atëherë distanca 6 ndeshje para fundit do të ishte 18 pikë dhe me përplasjen direkte në favor të Interit, titulli do të ishte i zikaltërve dhe rekordi do të të arrihej.