Arrigo Sacchi është i sigurt, ai e sheh Interin si super favorit për të fituar titullin:

“Unë nuk gjej asnjë pikë të dobët në ekip. Do të ishte problem, – tha ai për La Gazzetta dello Sport, – nëse lojtarët do të besonin se kishin arritur tashmë në vijën e finishit dhe nuk do të kishin të njëjtin vullnet si sezonin e kaluar.

“Por unë nuk mendoj se do të ndodhë. Zikaltrit, nëse arrijnë të bëjnë një hap tjetër përpara në aspektin e lojës, janë në rrugën e duhur”.

– Cila blerje mund të bëjë diferencën?

“Dovbyk-un do ta shikoj me kuriozitet te Roma. Ai ishte shumë i mirë te Girona, mund të bëhet i rëndësishëm edhe në kampionatin tonë”.

– A mundet Atalanta të synojë vërtet titullin?

“Mund të sfidojë këdo dhe tashmë e ka demonstruar këtë duke luftuar kundër Real Madridit në Superkupë. Ka gjithçka për të synuar titullin, por nuk mund të përballojë lojtarët që klubet e tjera blejnë për miliona.”

– A mund të hyjnë ekipet romane në sprint për Champions League?

“Për mendimin tim ata janë pak prapa. Le të shohim nëse De Rossi do të bëjë hapin përfundimtar dhe vendimtar në cilësi. Do të isha i lumtur sepse do të ishte një lajm pozitiv për trajnerët tanë.”

– Cila skuadër mund të jetë surpriza e A?

“Jam kurioz të shoh Juventusin me një fytyrë të re, ata mund të na japin futboll të mirë. Jam kurioz edhe për Torinon e Vanolit, një trajner që e njoh mirë dhe që ka treguar se ka cilësi.”