“Interi dominoi Serie A në sezonin e kaluar, patjetër është skuadra që duhet mposhtur. Napoli është në epërsi, i cili pa angazhime në Kupat e Europës mund të rikuperohet dhe t’i përgatisë më mirë ndeshjet. Juventusi është afër, ka bërë shumë mirë në Champions League në dy bndeshjet e para. Në Serie A mund të bëjë më mirë. Po, edhe Juventusi mund të luftojë për ta fituar  kampionatin”.

Kjo është analiza e bërë nga Gianluca Zambrotta rreth garës për kreun dhe titullin e Serie A. Jo vetëm emra të mëdhenj, por edhe surpriza në krye të renditjes. Këto janë favoritët e ish-mbrojtësit të Juventusit dhe kombëtares axurre: “Më kanë befasuar Udinese dhe Lazio e Baronit.

Dy skuadra që bëjnë mirë taktikisht, vrapojnë dhe luajnë futboll të shkëlqyeshëm. Më pas u godita nga forca e Napolit, pas një viti katastrofik. Bëri një gabim në ndeshjen e parë të këtij kampionati, më pas u rikuperua falë Conte. Napoli do të jetë ndër rivalët kryesorë të Interit”.

Më tej Zambrotta u fokusua te Conte, me të cilin luajti për shumë vite: “Ai ishte kapiteni im, kur mbërrita te Juventusi. Luajta me të edhe në ekipin kombëtar. Antonio ishte një forcë lëvizëse, motivues i madh, njeri i dhomës së zhveshjes.

Donte të fitonte gjithmonë, madje edhe në ndeshjet e kontrollit brenda grupit. Ai i ka ruajtur këto karakteristika edhe si trajner, gjithmonë përpiqet të marrë maksimumin nga lojtarët”.