Tri disfata që nga fillimi i sezonit, nëntë gola të pësuar në gjashtë ndeshje, mes Serie A dhe Champions League. Trajneri zikaltër, edhe pse mori mbështetjen e plotë të klubit me deklaratat e Marotta, mbetet në qendër të kritikave të tifozëve dhe një pjese të ambientit.

Për të tejkaluar situatën, duke gjetur pika fikse kapërcimi të krizës, ditën e djeshme, sipas “Gazzetta dello sport”, u organizua një samit midis Inzaghit, skuadrës dhe drejtuesve në “Appiano Gentile”.

Para stërvitjes filloi një bisedë, kuptimi i të cilës ishte gjetja e çelësave të duhur për “kthimin në të qenit një ekip”. Dialogu, i përcaktuar si konstruktiv nga palët e përfshira, u ndoq nga disa lojtarë (përfshirë Handanovic dhe Barella).

Dikush ka marrë përgjegjësitë e tij, dikush ka lënë të kuptohet për një gjendje fizike të papërsosur, edhe nëse të dhënat e vëna në dispozicion nga stafi stërvitor kanë nënvizuar sesi Interi në dy ndeshjet e fundit ka ecur më shumë se Milani dhe Bayerni. Tashmë pritet kthesa në ndeshjen ndaj Torinos. Drejtuesit kanë apeluar se është thelbësore t’i kthehen fitores dhe besimit.

Inzaghi, ndërkohë i sigurt nga fjalët e Marotta, është në qendër të ankesave të tifozëve për disa zgjedhje si mosdhënia e qartësisë së saktë në hierarkitë e portës dhe çiftin sulmues.

Në çdo rast, ai vështirë se mund të rrezikojë asgjë deri në fund të sezonit, por është e qartë se shumë do të varet, si gjithmonë, nga rezultatet e marra krahasuar me pritshmëritë e mëdha rreth skuadrës që ka në dispozicion.