Trajneri i Interit, Simone Inzaghi konfirmoi se Stefan de Vrij dhe Piotr Zielinski nuk do të jenë në dispozicion kundër Genoas nesër, por është i kënaqur me Lautaro Martinez, i cili ndërpreu pushimet e tij për të rifilluar stërvitjet këtë verë.
Inzaghi mbajti një konferencë për shtyp të premten pasdite, në prag të ndeshjes së parë të Interit në Serie A këtë sezon kundër Genoas në Marassi.
Kuqeblutë kanë shitur Mateo Reteguin dhe Albert Gudmundsson ditët e fundit, por Inzaghi foli shumë mirë për rivalët.
“Ne do të takojmë një ekip që mendoj se është në formë me një trajner të shkëlqyer,” tha ai. Po përgatitemi në mënyrën më të mirë. Marassi nuk është kurrë një fushë e lehtë”.
Inzaghi këmbënguli se lojtarët e tij kanë nevojë për angazhimin dhe fokusin maksimal për të mbrojtur titullin.
“Përgatitja ishte shumë e mirë. Të gjithë janë në dispozicion, përveç Zielinskit, i cili do të pushojë edhe për disa ditë dhe De Vrij”.
Inzaghi tha se Zielinski me siguri do të rikthehet në javën e dytë kundër Lecce-s.
“Ka emocion dhe krenari të madhe për këtë debutim. Ne e dimë se çfarë kemi bërë në të kaluarën. Pavarësisht vështirësive, ne bëmë disa fitime kapitale dhe Interi ka mbetur konkurrues në Itali dhe Europë, kështu që komplimente drejtuesve”, vazhdoi trajneri i zikaltërve.
Për merkaton: “Ne e dimë se duhet të finalizojmë diçka, duke pasur parasysh dëmtimin e Buchanan. Drejtuesit dhe unë folëm për të sot. Për fat, mund të mbështetem te drejtues kompetentë që e dinë se duhet të shtojmë një lojtar të rëndësishëm.
“Shumë skuadra do të përpiqen të fitojnë titullin, dhe unë mund të shoh më shumë cilësi. Të gjitha skuadrat kryesore kanë nënshkruar përforcime, dhe klubet e mesit të tabelës kanë marrë gjithashtu lojtarë të shkëlqyer”.
A do të preferonte të fitonte sërish titullin e Serie A apo të arrinte një finale të Champions League?
“Është një pyetje klasike së cilës nuk kam qenë në gjendje t’i përgjigjem që nga 22 prilli (kur Interi fitoi titullin e Serie A duke mposhtur Milanin). Jam krenar për atë që kemi bërë, por nuk është një përgjigje e lehtë.
“Sa i përket Champions-it, ne e dimë se do të ndryshojë. Do të ketë edhe dy ndeshje të tjera në fazën e grupeve, të cilat mund të bëhen katër me play-off. Ne jemi përgatitur duke ditur se do të ketë më shumë ndeshje se në të kaluarën”.
Nënshkrimi i një mbrojtësi të ri do të ndryshojë gjithashtu planet e Interit për listën e UEFA-s.
“Absolutisht. Tani për tani, pa një mbrojtës, të gjithë lojtarët do të ishin brenda listës”, tha Inzaghi.
Në lidhje me formacionin kundër Genoas dhe Lautaro-n:
“Unë jam ende duke bërë vlerësime. Lautaro ka punuar mirë që kur mbërriti. Ai është mjaft në formë dhe është i motivuar. Ai dhe disa lojtarë të tjerë dërguan një sinjal të fortë kur u kthyen në stërvitje më herët, pavarësisht se kishin disa ditë shtesë pushimi.
“Bisseck po punon mirë. Ai ishte tashmë i rëndësishëm sezonin e kaluar sepse luajti shumë ndeshje. Faza para-sezonale e tij ishte e shkëlqyer. Mund ta zgjedh atë ose Pavardin në atë rol; është një dyshim që do ta kem deri nesër”.
