Sezoni 2023-2024 ka përfunduar për Inter, që u shpall kampion i Serie A për të 20-tën herë në histori. Por përveç sezonit u mbyll edhe një epokë, ajo me familjen Zhang, pasi tashmë pronarët e rinj të klubit zikaltër janë Oaktree.
Duke folur për lëvizjet që klubi do të bëjë në merkato me drejtuesit e rinj, trajneri Simone Inzgahi tha: “Tregu i transferimeve është i paparashikueshëm, por ne me siguri do të ndryshojmë më pak se vitin e kaluar. Unë kam menaxherë të fortë që nuk rrinë kurrë duarkryq dhe gjithnjë punojnë”.
“Tashmë mbyllëm një sezon fantastik për ta ndarë me të gjithë familjen e Inter sepse meritat duhet të ndahen me të gjithë. Mendoj për klubin, lojtarët, stafin, këto fansa të mrekullueshëm. Ata ishin të mrekullueshëm”, tha Simone Inzaghi.
“Ne patëm një udhëtim emocionues, fituam titullin shumë kohë më parë. Sot përfundojmë një punë që filloi më 13 korrik dhe ishte një udhëtim i mrekullueshëm”, u shpreh trajneri zikaltër, që i pyetur nëse ka ndonjë lojtar që e ka befasuar më shumë se të tjerët, trajneri përgjigjet duke lavdëruar grupin.
“Nuk do të ishte e drejttë të thoja vetëm një emër. Do të doja të gjithë këta 23 lojtarë të ishin sërish me mua. Sepse kushdo që ka luajtur, kush më shumë e kush më pak, dhanë një kontribut të madh, qoftë stërvitje apo ndeshje zyrtare”, tha Inzaghi.
