Simone Inzaghi ka shijuar fitoren në minutën e fundit të Inter-it të tij dhe ka dhënë alarmin për gjendjen e fushës së San Siro-s.
“Skuadra ka besuar deri në fund, djemtë kanë bërë një punë shumë të mirë duke marrë parasysh periudhën dhe dy ndeshjet me kohë shtesë, plus atë të Bergamo-s dhe golin e pësuar që mund të na kishte demoralizuar”, ka thënë trajneri i Inter-it.
“Problemi tani është fusha e San Siro-s, në të cilën po bëhet e pamundur të luhet. Zëvendësimet kanë qenë vendimtare për ndeshjen”.
Një lajm i keq ky për Milan dhe Juventus, që do të përballen nesër në mbrëmje pikërisht në San Siro.