Ish-presidenti i Juventusit, Giovanni Cobolli Gigli foli në mikrofonat e “Radio Bianconera”m duke mos kursyer disa “goditje”: “Agnelli ka pasur deluzione madhështie dhe Juventusi e ka gjetur veten me 900 milionë euro detyrime të grumbulluara ndër vite. Tani kompania po përpiqet të kthejë faqen.

Juve është një kompani me menaxhmentin e vet, por personi që flet shumë për klubin është aksioneri i shumicës së ‘Exor’. Unë e shoh këtë lloj komunikimi disi të pavend. Kemi një president të shkëlqyer si Ferrero dhe një drejtor si Giuntoli, që më duket se po bën gjëra të rëndësishme, plus një trajner që ka bërë gjëra të mëdha, fillimisht si lojtar dhe më pas si trajner.

Besoj se Andrea Agnelli ishte i keqkuptuar në momentet para Superligës Europiane, kur vendosi të merrte Ronaldon dhe të largohej nga Marotta. E kam shumë të qartë në mendjen time që CR7 është një lojtar i jashtëzakonshëm, por nuk arriti të sillte atë që pritej.

Në fakt e shpërbëri pak ekipin, sepse ishte një emër i madh, i ndarë nga lojtarët e tjerë. Që nga largimi i Marotta, Agnelli ka pasur bashkëpunëtorë të paaftë për të kryer një përgjegjësi të rëndësishme si ajo e presidentit të Juventusit.

Ideja e Superligës është rezultat i nevojave ekonomike. Mendimi im është se gabimi i Agnellit ishte që e prezantoi Superligën në orën 11 të mbrëmjes, pa e përgatitur terrenin nën drejtimin e tij, duke krijuar reagime në nivel europian edhe për faktin se si ai mekanizëm ishte projektuar.

Një mekanizëm elitar me vetëm skuadra të mëdha, pa marrë parasysh faktin se futbolli duhet të lejojë edhe ekipet e vogla të konkurrojnë, nëse menaxhohet mirë. U pa si ‘ne jemi perënditë, duam të jetojmë në Olimpin tonë, ju bëni çfarë të doni’, dhe kjo është e gabuar”.