Së fundi, në çerekfinalet e Euro 2024, në ndeshjen kundër Zvicrës, pamë rikthimin në fushë me kombëtaren angleze të mbrojtësit Luke Shaw.

Mbrojtësi i Manchester United nuk kishte luajtur më parë në këtë turne asnjë minutë, pasi ishte i dëmtuar. Ai u shpreh se ishte shumë i emocionuar për këtë rikthim në fushë për “3 luanët”.

“Ishte fantastike, të jem i sinqertë. Ka qenë një rrugë shumë e gjatë. Kam pasur shumë pengesa. Mendoj se për shkak të punës së vështirë që kam bërë, veçanërisht në javët e fundit”, tha Shaw.

“Ia vlente sakrifica, pasi ishte një moment shumë i bukur për mua dhe të kthehesha në fushë, të argëtohesha sërish në fushë dhe ta mbyllja me një fitore. Ishte një ndjenjë vërtet e mirë për mua dhe për mua, jam shumë i lumtur”, tha mbrojtësi anglez.

Ai kërkon të mos ndalet dhe të kalojnë në finale, teksa përballë kanë Holandën: “Tani që u riktheva nuk dua të ndalem. As unë dhe as skuadra. Jemi gati për këtë sfidë të radhës, duke shpresuar ta kurorëzojmë me sukses”.