Xabi Alonso ka nisur një karrierë të re. Trajneri i tanishëm i filialit të Real Sociedad, përmes “The Coaches Voice” foli për gjithë karrierën e tij si futbollist. Ai veshi fanellën e Real Sociedad, Liverpool dhe Real Madrid, ndër të tjera.
Kalimi te Real Madrid – "Pas eksperiencës me Liverpool kishte ardhur koha për të kërkuar një sfidë të re. Nuk kishte sfidë më e rëndësishme se për të shkuar te Real Madridi. Mos harroni se kishin qenë vite, kur Real Madridi nuk ishte aty, ku e ka merituar për shumë vite. Pas eliminimit në raundin e dytë të Champions-it, klubi kishte filluar një projekt të ri, që u mbështet kryesisht mbi mua. Kam mbërritur shumë i pjekur si lojtar në “Bernabeu”, por nuk është e lehtë të marrë në dorë frenat e mesfushës së Real Madridit. Kjo kërkon besim te vetja dhe t'i lejosh të tjerët të besojnë në ty".
Viti i tij i parë në “Bernabeu” – “Ne kemi zhvilluar një kampionat (La Liga) të madh, ndërsa në Ligën e Kampionëve pësuam zhgënjim, por themelet u hodhën për një projekt afatgjatë".
Jose Mourinho – "Ai erdhi me kredencialet e trajnerit më të mirë në botë, pasi kishte fituar “tripletën” me Interin. Për ne, kjo lëvizje ishte e rëndësishme. Donim të kishim një referencë në stol, një udhëheqës, dikë tek i cili të besonim. Sidoqoftë, nuk ishim në gjendja ta fitonim Ligën e Kampionëve me të, por arritëm tri gjysmëfinale. Ishte zhgënjim, të mos e fitonim Champions-in me trajnerin Mourinho".
Gjysmëfinalet e Champions-it – "Në këtë raund, janë detajet e vogla, nuancat, një ditë e mirë apo e keqe, që bën diferencën. Një gabim nuk të lejon të shkosh në finale. Ne kemi humbur me penallti kundër Bayern Munich dhe ishte një nga netët më të dhimbshme në Madrid".
“Decima” – "Përpara finales së Lisbonës kishim përjetuar gjysmëfinalen kundër Bayernit, që ishte një nga më intensivet dhe shumë kërkuese për ne. Në Lisbonë, kur hyra në fushë, i thashë vetes: Kjo duhet të jetë finalja ime. Gjatë lojës ishim të frustruar, sepse ndeshja u paraqit e komplikuar. Sidoqoftë, gjithçka ndryshoi me kokë nga Sergio Ramos…, gjithçka".
