Ylli i ri i Manchester United, Joshua Zirkzee, ka shpjeguar se çfarë e bën atë të ndryshëm nga sulmuesit e tjerë në futbollin modern.
Holandezi 23-vjeçar u transferua në merkaton e verës te gjigantët anglezë nga Bologna për rreth 42.5 milionë euro dhe pritet të ndihmojë në forcimin e sulmit të tyre në sezonin e ardhshëm.
Zirkzee bëri 58 paraqitje për skuadrën e Serisë A ku ai shënoi 14 gola dhe siguroi nëntë asiste.
Duke folur se si mund të ndihmojë 20 herë kampionët e Anglisë me aftësitë e tij, holandezi tha për Mirror:
“Unë jam një sulmues fals. Jo një nr 9, jo një numër 10. Unë jam një 9.5! Kjo është loja ime. Ndoshta unë jam pak më ndryshe nga të tjerët. Por të jesh ndryshe është mirë, apo jo? Unë dua të luaj një futboll të pastër.
“Kalimi i topit mes këmbëve të kundërshtarit, fintet dhe goditjet me thembër janë momente që i përkasin futbollit. Ky stil ka vlerë për mua. Është fëmija i futbollit brenda meje sepse supozohet të jetë edhe argëtues, apo jo?”.
“Duhet zgjidhur momenti i duhur. Është intuitë. Mendoj se kam aftësi të shkëlqyera. Por nëse e humb topin, dua ta rifitoj menjëherë me ekipin”.
Manchester United do të shpresojë që nënshkrimi i tyre i ri do të zëvendësojë Rasmus Hojlund gjatë gjithë sezonit të ardhshëm, duke siguruar mbulim dhe konkurrencë në sulm.
Zirkzee ka munguar në turneun përgatitore të skuadrës pas përfshirjes së tij në Euro 2024, por do të jetë në dispozicion për Community Shield kundër Manchester City të shtunën.
