Jamal Musiala ka dhënë mendimin e tij se kush është lojtari më i mirë mes Vinicius Junior dhe Lamine Yamal.
Musiala është vetë një nga lojtarët e rinj me më shumë perspektivë në botën e futbollit. Ai ka luajtur kundër Vini Junior në gjysmëfinalet e Champions League dhe kundër Yamal në çerekfinalet e Euro 2024.
Për shkak të faktit se Vini është 24 vjeç dhe Yamal 17, është e vështirë që dy lojtarët të krahasohen në këtë moment.
Megjithatë, kur u pyet se kush është lojtari më i mirë, gjermani nuk u mendua dy herë.
“Vini”, ka thënë Musiala.
“Po, për momentin. Yamal-it i duhen dhënë edhe disa vite”.
Yamal dhe Vinicius Junior janë të dy pjesë të listës së kandidatëve për Topin e Artë 2024, me fituesin që do të shpallet me 28 tetor.
