Gjatë fjalimit të tij në festën e Krishtlindjeve të klubit, presidenti i Real Madridit, Florentino Perez u ndal edhe tek punimet në stadiumin “Santiago Bernabeu”, të cilat janë drejt përfundimit:

“Ne jemi gjithashtu gati të përfundojmë punën në Bernabeu. Ëndrra e tifozëve të Real Madridit është realitet dhe ne jemi krenarë që shtëpia jonë, një nga tempujt më legjendar të futbollit botëror, është bërë një nga ikonat e mëdha arkitekturore të Madridit dhe Spanjës.

“Transformimi i Bernabeut është një shenjë prestigji për qytetin dhe vendin tonë dhe do të jetë një moment historik shumë i rëndësishëm për të ardhmen e Real Madridit”.