Juventus po ndjek sulmuesin e Ipswich, Liam Delap.

Me dyshime të shumta mbi të ardhmen e Dusan Vlahovic dhe problemet fizike të sulmuesit veteran Arek Milik, bardhezinjtë janë në kërkim të një qendërsulmuesi të ri dhe duket se Delap plotëson të gjitha kriteret.

Sipas TMW, drejtuesit e klubit italian po monitorojnë ecurinë e sulmuesit të ri anglez në sezonin e tij të parë në Premier League dhe nuk përjashtohet mundësia që të bëjnë një ofertë për lojtarin në janar.

Delap u transferua tek Ipswich verën e kaluar për 15 milionë sterlina dhe ka shënuar 6 gola në 11 ndeshje të luajtura deri tani në kampionatin anglez.

Juventus e ka të qartë se do të duhet të paguajë një shumë më të madhe në krahasim me atë të paguar nga Ipswich për të siguruar shërbimet e Delap.