Pep Guardiola lavdëroi blerjen e re Savinho, teksa braziliani bëri debutimin e tij me Manchester City në Community Shield të shtunën.

Sulmuesi 20-vjeçar i krahut, i cili u bashkua me Cityzens nga Troyes, tregoi aftësitë e tij në paraqitjen e tij të shkurtër dhe luajti një rol të rëndësishëm në golin e barazimit të klubit teksa kombinoi me Oscar Bobb përpara se norvegjezi të jepet një krosim të shkëlqyer për Bernardo Silva.

Duke folur në konferencën e tij për shtyp pas ndeshjes, Guardiola tha:

“Ai pati një ndikim të mirë. Ai mund të luajë në të dyja krahët. Në të majtë, ai ka cilësi të jashtëzakonshme. Ai është shumë i mirë në krosimet.

“Ai do ta ndihmojë Erlingun të shënojë gola. Shikoni golin që shënuam. Kur ke mundësi të arrish në ato pozicione dhe të bësh një krosim të mirë, ai ishte agresiv.

“Sulmuesve të krahut u kërkoj të sulmojnë kundërshtarin kur ndihen mirë, nuk ka rëndësi nëse driblojnë apo jo, duhet ta bëjnë, është cilësia jote që bën diferencën. Ai e bëri shumë mirë për 35 minutat që luajti”.

City do të kthehet në fushë më 18 gusht, teksa do të përballet me Chelsean në hapjen e sezonit të tyre në Premier League në Etihad Stadium.