Legjenda e Manchester United dhe Anglisë, Wayne Rooney ka dhënë mendimet e tij për yllin e Anglisë, Kieran Trippier.

Mbrojtësi i djathtë, i cili ka luajtur si mbrojtës i majtë në Euro 2024, rrezikon të humbasë vendin e tij.

Tifozët kanë kritikuar trajnerin Gareth Southgate për përdorimin e Trippier si mbrojtësin e tij të majtë, së bashku me Phil Foden si sulmues të majtë.

Duke folur në podcastin e BBC Radio 5 Live të Football Daily, ish-sulmuesi Rooney tha: “Për momentin, është Tripper ose (Joe) Gomez, për mua, që duhet të luajë atje.

“Isha shumë i befasuar dhe vërtet i tronditur që Ben Chilwell nuk u zgjodh – vetëm për ekuilibrin e të pasurit një lojtar me këmbë të majtë atje.

“Ai luan te Chelsea dhe ka luajtur mirë për Anglinë në të kaluarën. Ai është një mbrojtës i mirë i majtë, kështu që u befasova vërtet që ai nuk u përzgjodh”.

Rooney u pyet më pas: “Pra, a luan me Tripper apo Gomez atje? Apo me Kyle Walker?

Rooney vazhdoi. “Gjatë viteve të fundit, Kyle ka qenë mbrojtësi i djathtë më i mirë në botë. A mund ta heqësh dhe ta vendosësh në krahun e majtë? Ka kaq shumë çekuilibër në ekip.

“A duhet të luajë Foden në të majtë, në të djathtë apo si 10? Ka kaq shumë pyetje”.