I riu Kaio Jorge është gati të luajë dhe të ndihmojë Juventus-in.
Braziliani është ndalur nga një dëmtim pas transferimit tek bardhezinjtë dhe është kthyer në fushë pas tre muajsh në miqësoren kundër Alessandria-s.
“Jam shumë i lumtur sepse ishte prej më shumë se dy muajsh që nuk luaja kaq shumë. Shpresoj t’i jap vazhdimësi punës sime, jam në një grup të ri dhe është një sfidë e bukur. Jam i lumtur këtu dhe shpresoj të ndihmoj skuadrën më të mirë në botë”, ka thënë ish-ylli i Santos për JTV.
Në lidhje me pozicionin e tij në fushë, Kaio Jorge ka zgjidhur çdo dyshim: “Trajneri më ka kërkuar të luaj përpara, jam i lumtur që jam kthyer të luaj. Falënderoj fizioterapistët”.
Në lidhje me ndryshimet mes futbollit brazilian dhe atij italian: Ndryshimet me futbollin brazilian? Forca, shpejtësia dhe cilësia”.