Gjatë një interviste të gjatë dhënë për “ESPN UK”, qendërsulmuesi i kombëtares së Anglisë dhe Bayern Munich, Harry Kane foli për periudhën e tij të fundit te Tottenham, para se të largohej nga Premier League.

Moment në karrierën e tij, të cilin i linduri më 1993 e përjetoi fillimisht drejtimin e Mauricio Pochettino dhe më pas José Mourinhos, në mes të periudhës së Covid-19. Anglezi vlerësoi shumë vizione të lojës, të rekomanduara nga “Special One”, falë të cilave ishte në gjendje të shprehej me liri më të madhe dhe pa kufizime pozicioni.

Historia personale – “Unë jam ndjerë gjithmonë si më shumë se një sulmues që duhet të presë topin për të gjithë ndeshjen. Ndjej se mund të ndikoj në ndeshje me pasimet e mia dhe gjithashtu duke hyrë në hapësira… José (Mourinho) më lejoi për këtë, edhe lojtarët e tjerë sulmues ishin pak më të lirë. Nuk kishte shumë struktura, – tha Kane, – gjithmonë e ndjeja veten sikur isha dikush”.

Pochettino i kërkoi diçka tjetër – “Ndoshta isha më shumë një lloj numri ‘9’ me Mauricio (Pochettino), edhe njerëzit më shihnin si numrin ‘9’. Sidoqoftë, kur José mbërriti, – shtoi sulmuesi 30-vjeçar, – ai na dha më shumë lirinë e pozicionit, duke e ditur që ne lidheshim mirë me shokët e tjerë të skuadrës, me sulmuesit. Ishte mundësia e përsosur për ta bërë këtë me atë trajner.”