“Morata është një super lojtar”.

Ky është mendimi i shprehur nga Ruben Loftus-Cheek, mesfushor i Milan-it, në një intervistë të dhënë për Gazzetta dello Sport.

“Ka fituar shumë në karrierë dhe mundet vetëm të na ndihmojë të kemi një lojtar të tillë në ekip. Alvaro dhe Giroud janëtë ngjashëm sepse kanë fituar shumë, kanë eksperiencë.

“Në kohën e shkurtër që kemi kaluar bashkë në Londër kam kuptuar se Morata është një njeri shumë i sjellshëm dhe që punon shumë.

“Me një lojtar të tillë nuk befasohesh kur vijnë trofetë. Më pas është edhe kapiteni i Spanjës, një lider. Do të jetë shumë i mirë për ne, pres me padurim që të jertë këtu dhe të udhëheqë këtë skuadër”, ka thënë Loftus-Cheek.

“Ky grup ka atë që duhet për t’u përmirësuar çdo vit, e shikoj qartë. Kemi një trajner të ri dhe kemi besim tek ai, e dimë se çfarë kërkon dhe vazhdojmë përpara me idetë e tij.

“Duhet të kemi besim te skuadra, por unë dua të përmirësohem pas çdo stërvitje. Pasi kam shënuar 10 gola në sezon, dua të bëj më mirë. Po, dhjetë gola në kampionatin e ardhshëm… Mund të bëhet”.