Joshua Kimmich është një aspiratë e vjetër e Barcelonës. Futbollisti 29-vjeçar gjerman ishte objekt i dëshirës së Xavi Hernández, tani edhe i Hansi Flick, i cili e stërviti në ekipin e suksesshëm të Bayernit, që mori 6 trofe në vitin 2020, gjithashtu në kombëtare. Fati i tij, siç ka theksuar nga grumbullimi me kombëtaren, është i pasigurt:
“E ardhmja ime nuk varet vetëm nga unë, por çfarë dëshiron klubi. Kam ende një vit në kontratën time. Bayern Munich është pika ime e parë e kontaktit”. Kimmich e përfundon kontratën e tij në vitin 2025 dhe entiteti gjerman nuk ka përjashtuar asgjë: as rinovimin dhe as shitjen e tij.
Kimmich, i cili tashmë ia ka “shkelur syrin” Barcelonës në të kaluarën, është gjithashtu në axhendën e Real Madridit, sipas raportimeve të disa mediave gjermane në orët e fundit. Futbollisti, megjithatë, dëshiron të lërë në pritje të ardhmen e tij për momentin: “Jam i fokusuar tek Europiani. Vëmendja është fokusuar ekskluzivisht në këtë kompeticion. Jam i përqendruar në këtë, me siguri do të ketë biseda me klubin më pas”.
Mesfushori gjerman, i cili ka luajtur për Bayern Munich që nga sezoni 2015-2016, ka marrë pjesë sezonin e fundit me skuadrën e Mynihut në 43 ndeshje, në të cilat ka shënuar 2 gola dhe ka dhënë 10 asiste. Në shumicën e këtyre angazhimeve, 26 i luajti si ‘strumbullar’, por kishte edhe një rol kryesor si mbrojtësi i djathtë (6 ndeshje) dhe në brendësi (1 ndeshje).
Barcelona, megjithatë, aktualisht nuk mund ta marrë në konsideratë nënshkrimin e Kimmich, i vlerësuar në rreth 50 milionë euro. Së fundi, Kimmich iu referua gjithashtu një sondazhi të kryer nga një shërbim sportiv që pyeti gjermanët nëse do të dëshironin të kishte më shumë lojtarë të bardhë në ekipin e tyre dhe për preferencën e origjinës: për shembull, Gündogan është turk.
Ylli gjerman ishte i hapur për këtë: “Nuk ka qenë diçka për të cilën kemi folur në dhomat e zhveshjes. Kushdo që është rritur duke luajtur futboll e di se është marrëzi e vërtetë të gjykosh dikë nga ngjyra e lëkurës. Futbolli bashkon njerëz me ngjyra të ndryshme lëkure, edhe fe të ndryshme. Nuk di për çfarë bëhet një sondazh si ky, që është absolutisht kundërproduktiv”.
