Atletico Madrid nuk heq dorë nga Edinson Cavani.
Colchoneros, në fakt, e konsiderojnë sulmuesin uruguaian përforcimin ideal për sulmin dhe po kërkojnë të bindin Paris Saint-Germain që ta lënë të lirë lojtarin.
Ai që shpreson te dështimi i këtij operacioni është trajneri i Liverpool-it, Jurgen Klopp, i cili do të përballet pikërisht me spanjollët në 1/8-at e Champions League.
“Mendoj se Morata dhe Joao Felix janë shumë të rrezikshëm. Diego Costa nuk do të jetë në ndeshjen e parë, por mund të rikuperojë për atë të kthimit. Atletico është shumë i fortë, shpresoj të mos e marrë Cavani-n”, ka thënë gjermani.
Trajneri i Të Kuqve ka komentuar edhe zhvendosjen, nga viti 2021, e Kupës së Afrikës në muajin janar: “Kupa e Afrikës është një turne shumë interesant, por është një problem nëse zhvillohet në mesin e sezonit. Do të ishte një katastrofë për Liverpool-in, nëse do të zhvillohej në janar”.