E tashmja e Matthijs De Ligt mund të ishte krejtësisht e ndryshme, nëse vetë ai do të kishte zgjedhur Barcelonën e jo Juventusin. Në fund të fundit, oferta maksimale e Juventusit për Ajax dhe dëshira e lojtarit mbizotëroi mbi gjithçka, duke hedhur në erë shanset e blaugranëve.

Patrick Kluivert, shefi aktual i sektorit të të rinjve katalanas, është përpjekur të sqarojë zgjedhjen e bashkatdhetarit të tij. I intervistuar nga “Mundo Deportivo”, ish-sulmuesi zbuloi bindjen e tij, që me siguri nuk do t’iu pëlqejë fansave të “Zonjës së Vjetër”: 

“Nuk më duhej ta bindja, por vetëm t’i tregoja gjërat e mira për Barcelonën si klub futbolli, edhe si qytet. Sidoqoftë, në fund të fundit unë nuk jam lojtari, as agjenti i tij. Natyrisht që De Ligt është një mbrojtës i shkëlqyer dhe në fund zgjodhi vetë, iu bashkua Juventusit. Keqardhje, por jeta është kjo, ju merrni vendime të drejta dhe të gabuara, nga të cilat duhet të mësoni”.