Trajneri argjentinas i Tottenham është një tifoz i çmendur i stadiumit kombëtar të Anglisë dhe është i lumtur ta quajë atë shtëpinë e ekipit të tij, madje, pavarësisht faktit se disa prej lojtarëve të tij nuk janë aq të lumtur. Mauricio Pochettino ka injoruar antipatinë e mbrojtësit të tij Danny Rose ndaj stadiumit “Wembley”, duke e përshkruar shtëpinë provizore të Tottenham si një dhuratë dhe si vendin më të mirë në botë për të luajtur futboll.

“Nuk dua të shkaktoj debat me Danny Rose, apo futbollistë të tjerë, secili është i lirë të japë opinionin e vet. Nëse më pyesni mua, unë jam shumë i lumtur që luajmë në “Wembley”. Për mua është nder të jem këtu, një kënaqësi më vete. Kam zbuluar njerëz të jashtëzakonshëm, është një vend fantastic. Kur e dashuron futbollin sa unë, kurdoherë që dëgjon për “Wembley” emocionohesh. Ka qenë gjithmonë një ëndërr për mua që të luaj në “Wembley”. Kam luajtur aty në vitin 2000 me përfaqësuesen, në “Wembley” e vjetër dhe ishte një ëndërr e realizuar. Çdo ndeshje që luajmë në “Wembley” është një dhuratë. Për mua është vendi më i mirë në botë për të luajtur futboll”, deklaroi Pochettino.

Telesport është krenar që bashkëpunon me Krowd9, një aplikacion fantastik i futbollit për shqiptarët! Shkarkojeni > bit.ly/krowd9 për video me përmbledhje ndeshjesh, njoftime të menjëhershme për golat dhe të gjitha lajmet e Telesport! Krowd9 është i përdorshëm në shqip, italisht dhe anglisht.